Shyǵys Qazaqstanda biregeı arheologııa mýzeıi ashylady
Besterek aýylynda boı kóteretin jańa mýzeıdiń qurylys jumystary aıaqtalýǵa jaqyn. Bul eldi meken kezdeısoq tańdalǵan joq.
Óıtkeni dál osy jerde ataqty qazaqstandyq arheolog Zeınolla Samashev dúnıege kelgen.
«Arheologııa salasynda sensatsııalyq jańalyqtar ashqan Zeınolla Samashev Berel qorǵandarynan, Eleke sazy jaılaýynan jáne Aqbaýyr shatqalynan tabylǵan biregeı oljalarmen kópke tanymal. Ol Shyǵys Qazaqstandaǵy ǵylymı-zertteý jumystarynyń damýyna zor úles qosyp keledi. Osy sırek jádigerlermen qalyń jurtshylyqty tanystyrý úshin mýzeı salý týraly sheshim qabyldanǵan», - dedi Ulan aýdanynyń ákimi Renat Qurmambaev.
Sondaı-aq bul arheologııa mýzeıi ǵalymdardyń semınarlar men kezdesýler ótkizetin, ǵylymı jumystaryn usynatyn orynǵa aınalmaq.
Mýzeı qurylysyna bıyl 170 mıllıon teńge qarajat bólingen.
