Shyǵys Qazaqstanda bir jyldyń ishinde 23 mıllıonnan astam aǵash otyrǵyzylǵan
ÓSKEMEN. QazAqparat – Shyǵys Qazaqstan oblysynda bir jylda 23 mıllıonnan astam aǵash otyrǵyzyldy, dep habarlaıdy QazAqparat tilshisi.
ShQO aýmaqtyq orman sharýashylyǵy jáne janýarlar dúnıesi ınspektsııasynyń málimetine súıensek, memlekettik orman qory aýmaǵynda aǵash egý jumystary belsendi júrgizilýde. Sońǵy bir jylda 23 mıllıonnan astam jasyl jelek otyrǵyzylǵan.
«Orman ıeleri 4100 gektardan astam aýmaqqa aǵash ekti. «Semeı ormany» qoryǵynyń aýmaǵynda 3600 gektarǵa kógaldandyrý jumystary júrgizildi. Mamandar 18 gektardan astam aýmaqqa qaraǵaı tuqymyn septi. «Katonqaraǵaı» tabıǵı parkinde 184 myń túp aǵash otyrǵyzyldy», - delingen aqparatta.
Sondaı-aq oblystaǵy 10-nan astam orman sharýashylyǵy kommýnaldyq mekemesinde 548 gektar alqapqa eki jarym mıllıonnan astam kóshet egilgen.
