Shyǵys Qazaqstanda bir jylda jol-kólik oqıǵalary 27,5%-ǵa azaıdy
ÓSKEMEN. QazAqparat – Shyǵys Qazaqstan oblysynda bir jylda jol-kólik oqıǵalary 27,5%-ǵa azaıdy, dep habarlaıdy QazAqparat tilshisi.
Shyǵys Qazaqstan oblystyq Polıtsııa departamentiniń bastyǵy Serik Júnisbekovtiń tóraǵalyǵymen ujymnyń qorytyndy jınalysy ótti. Onda 2022 jyldyń qorytyndysy shyǵarylyp, bıylǵa qoıylǵan negizgi mindetter talqylandy.
«Óńir boıynsha qylmys sany 20,5%-ǵa tómendep otyr. Ótken jyly esirtkige qarsy is-qımyl jónindegi jumystyń nátıjesinde, quqyq qorǵaý organdary 142 esirtki qylmysyn anyqtady. Zańsyz aınalymnan 105 keli esirtki tárkilengen. Sońǵy bir jylda ShQO-da jol-kólik oqıǵalarynyń tómendegeni baıqaldy. Naqty aıtqanda, 2021 jylmen salystyrǵanda 27,5%-ǵa azaıǵan», - deıdi Serik Júnisbekov.
Onyń aıtýynsha, jumystaǵy negizgi baǵyt – azamattardyń qaýipsizdigi men halyqtyń polıtsııaǵa degen senimin arttyrý.
Keńes sońynda jeke quramǵa jedel qyzmettik jumys kórsetkishterin jaqsartý boıynsha naqty mindetter qoıyldy.
