Shyǵys Qazaqstanda bir kúnde mas kúıde kólik júrgizgen 17 adam anyqtaldy
ÓSKEMEN. QazAqparat – Shyǵys Qazaqstan oblysynda bir kúnde mas kúıde kólik júrgizgen 17 adam anyqtaldy, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, óńir aýmaǵynda 14 naýryzda «Quqyqtyq tártip» jedel aldyn alý sharasy bastalǵan. Bir kún ishinde 38 qylmys tirkelip, onyń 27-si ashyldy. Sondaı-aq buryn jasalǵan 10 qylmys ashylǵan.
Іzdeýde júrgen eki qylmysker ustalyp, esirtki zattaryn saqtaýdyń 2 faktisi anyqtaldy. Budan bólek, polıtseıler zańsyz saqtalǵan 6 qarýdy tárkilegen.
«Máselen, Borodýlıha aýdanynyń 63 jastaǵy turǵynynyń úıinen 16-kalıbrli tegis uńǵyly 1958 jylǵy ańshy myltyǵy tabyldy. Er adam bul qarýdy 2019 jyldyń kúzinde Úbe ózeniniń jaǵasynan taýyp alǵanyn jetkizdi. Ol QR ÁQBtK-niń 482-baby 1-bóligine sáıkes jaýapqa tartyldy», - delingen aqparatta.
Bir táýlik ishinde 1711 ákimshilik quqyq buzýshylyq tirkelgen. Onyń ishinde usaq buzaqylyq – 208, qoǵamdyq orynda mas kúıde júrý – 287, ishimdik iship rýlge otyrý – 17.
