Shyǵys Qazaqstanda bir kúnde 9 ret órt shyqty
ÓSKEMEN. QazAqparat – Shyǵys Qazaqstan oblysynda bir kúnde 9 ret órt boldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Semeı qalasy Shýgaev kóshesindegi JShS-niń eki qabatty ǵımaratynyń aǵash shatyry jandy. Órttiń shyǵýyna – peshti montajdaý jáne paıdalaný kezinde qaýipsizdik erejelerin saqtamaý sebep bolýy múmkin.
«Rıdder qalasy Semenov kóshesinde ekinshi qabattaǵy páterdiń jatyn bólmesindegi jıhaz órtendi. Qutqarýshylar barlaý barysynda 61 jastaǵy úı ıesin taýyp, syrtqa alyp shyqty. Tilsiz jaýdyń shyǵý sebebi – otty abaısyz qoldanýdan bolýy yqtımal», - delingen aqparatta.
Semeıdegi Zapadnaıa kóshesinde ornalasqan jeke turǵyn úıdiń garajynda turǵan 1990 jylǵy «Gaz 2410» avtokóliginde órt shyqqan. Aldyn ala málimet boıynsha ottyń shyǵýy sebebi – qaýiptiligi joǵary agregatpen abaısyz jumys atqarý. Osyǵan uqsas órt Altaı aýdanynda boldy. Qyzyl jalyn «Mercedes GL» kóliginiń motoryn sharpyǵan.
Borodýlıha aýdany Orlovka aýylynda sharýashylyq qora-jaı men monshanyń shatyry janyp ketti. Órttiń shyǵý sebebi – elektr jabdyǵyn montajdaý jáne paıdalaný kezindegi qaýipsizdik erejeleriniń buzylýy.
Jalpy sońǵy táýlik ishinde óńir boıynsha 9 órt shyqqan.
