Shyǵys Qazaqstanda bir kúnde 5 órt shyqty
ÓSKEMEN. QazAqparat – Shyǵys Qazaqstan oblysynda bir kúnde 5 órt sóndirildi, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, sońǵy táýlikte óńir boıynsha 5 órt bolǵan.
«Óskemende peshti paıdalaný kezinde qaýipsizdik talaptarynyń saqtalmaýy saldarynan 3 órt shyqty. Dalnevostochnaıa kóshesinde sharýashylyq qora-jaıdyń shatyry janǵan. Al «Mıchýrınets» saıajaı qaýymdastyǵyndaǵy jeke turǵyn úıde shyqqan qyzyl jalynnyń jalpy aýdany 31 sharshy metrdi qurady. Sondaı-aq Severnaıa kóshesinde 2 qabatty úıdiń asbólmesinde edenniń aǵash qurylymdary men jıhazdy jalyn sharpyǵan. Oqıǵa ornyna shuǵyl jetken qutqarýshylar bólmeden gaz ballonyn shyǵaryp úlgerdi», - delingen aqparatta.
Semeı qalasynda «Bobrovka» saıajaı qaýymdastyǵynyń aýmaǵyndaǵy úı órtendi. Órt sóndirýshiler 1 gaz ballonyn shyǵaryp, 120 sharshy metrdi sharpyǵan jalyndy aýyzdyqtady.
«Altaı aýdanynda jeke turǵyn úıde órt boldy. Shatyrdyń aǵash qurylymdary, jıhaz, turmystyq tehnıka men jeke zattar órtendi. Qyzyl jalyn «Folksvagen» markaly avtokólikke de jaıyldy. Kóp uzamaı jalpy aýdany 63 sharshy metrdi quraǵan ot óshirildi», - delingen málimette.
