Shyǵys Qazaqstanda bir kúnde 5 órt shyqty
ÓSKEMEN. QazAqparat – Shyǵys Qazaqstan oblysynda bir kúnde 5 órt shyqty, dep habarlaıdy QazAqparat tilshisi.
ShQO tótenshe jaǵdaılar departamenti baspasóz qyzmetiniń málimetine súıensek, 25 qazanda saǵat 15.56-da Semeı qalasyndaǵy Baısalyqov kóshesi boıynda «VAZ 21099» markaly avtokólik órtendi.
Aldyn ala málimet boıynsha ottyń shyǵýyna – qaýiptiligi joǵary agregatty paıdalaný kezinde qaýipsizdik talaptaryn saqtamaý sebep bolǵan.
Kóp uzamaı jalpy aýdany 2 sharshy metrdi quraǵan jalyn aýyzdyqtaldy.
«Sol kúni Borodýlıha aýdanynda qutqarýshylar jer úıdiń aýlasynda 24 sharshy metr aýmaqqa jaıylǵan órtti sóndirdi. Shatyrdy, jazǵy as úı edeniniń aǵash qurylymdaryn sharpyǵan tilsiz jaý – otty abaısyz qoldanýdan shyqqan», - delingen aqparatta.
Tarbaǵataı aýdany Toraıǵyr kóshesinde jeke turǵyn úıdiń aýlasynda 28 tonna shóp janǵan. Sondaı-aq Borodýlıha aýdanynda 9 tonna shóp órtendi.
Qyzyl jalyn 30 sharshy metr alańdaǵy sharýashylyq qora-jaıǵa da jaıylyp ketken.
«Semeıdegi Kóshimbaev kóshesinde ornalasqan 4 páterli turǵyn úıde eden, jıhaz, jeke zattar, esik pen shatyrdy órt shaldy. Tilsiz jaýdyń jalpy aýdany 50 sharshy metrdi quraǵan. Qazirgi ýaqytta órttiń shyǵý sebebi anyqtalýda», - delingen habarlamada.
