Shyǵys Qazaqstanda balyqshylar mingen kólik muz astyna túsip ketti
KÚRShІM. QazAqparat – Shyǵys Qazaqstannyń Kúrshim aýdanynda jolaýshylar mingen kólik muz astyna túsip ketti, dep habarlaıdy QazAqparat oblystyq tótenshe jaǵdaılar departamentine silteme jasap.
Demalys kúnderi Kúrshim aýdandyq jedel qutqarý jasaǵyna Alǵabas aýyly mańynda 4 adam mingen kólik muz astyna túsip ketkeni týraly habar kelgen. Eń bastysy, jolaýshylar zardap shekpegen.
Qutqarýshylar tez arada jolǵa shyqqanymen, kúshti jel olardy oqıǵa ornyna jetkizbedi.
«Adamdardyń naqty qaı jerde ekenin bilmedik. Áıteýir uıaly baılanystyń arqasynda balyqshylarmen sóılesip otyrdyq. Dabyl men baǵyt-baǵdar nusqap otyrǵannyń arqasynda balyqshylar bizge jetti. Men bınoklmen qarap, olarǵa qaıda júrý kerektigin aıtyp otyrdym», - deıdi jedel qutqarý jasaǵy Kúrshim bólimshesiniń basshysy Talǵat Nurjanov.
Kóligi sýǵa túsip, jaıaý qalǵandar qutqarýshylarǵa arada 3 saǵat ótkende ǵana jetti. Olar tez arada aýdandyq aýrýhanaǵa jetkizildi. Dárigerler qaraǵan soń jolaýshylar kıimin aýystyryp, tamaqtanyp aldy.
Aıta keteıik, qutqarýshylar kóktemde muz ustinde balyq aýlaý qaýipti ekenin eskertedi. Óıtkeni bul kezde muzdyń beti tegis emes jáne ol shetinen erip jatyr. Muz betinde kólikpen júrýge tyıym salynǵan. Balyq aýlaýǵa shyqqanda jaqyndaryńa qaı jerde ekenińdi aıtyp qoıý artyq bolmaıdy.
