Shyǵys Qazaqstanda Balalar jylyna oraı 130-ǵa jýyq shara ótti
Óńirde bıylǵy Balalar jylyna oraı 129 shara ótken. Sol sharalarda 18 jasqa deıingi 181 266 bala qamtyldy. Bul týraly ShQO Óńirlik kommýnıkatsııalar qyzmetinde ótken baspasóz máslıhaty barysynda oblystyq Bilim basqarmasynyń basshysy Inessa Chernysheva málim etti.
«Bilimdi bala» jobasy aıasynda 67 shara uıymdastyrylǵan. «Otbasy – qaýipsiz meken» jobasy sheńberinde «Júrekten júrekke» qaıyrymdylyq aktsııasy ótkizilip, onda erekshe qajettilikteri bar balalar men jasóspirimder, kópbalaly jáne az qamtylǵan otbasylardan shyqqan 6 794 balanyń hatqa jazǵan tilekteri oryndaldy. «Mektepke jol» aktsııasy aıasynda kásipkerler men metsenattardyń qoldaýymen 50 mıllıon teńgeden astam qarjyǵa 6 415 oqýshy oqý quraldarymen qamtamasyz etildi», - deıdi ol.
Onyń aıtýynsha, bıyldan bastap oblystyq balalar quqyqtary jónindegi ýákil laýazymy engizildi. Sol arqyly balalardyń qaýipsizdigi men quqyqtarynyń qorǵalýyn jaqsartý úshin jumys istelmek.
«Shyǵys Qazaqstanda úsh aýysymdy jáne apatty mektepter máselesi tolyǵymen sheshildi. 2025 jylǵa deıin 7570 oryndyq 20 jańa mektep salynady. Sondaı-aq «Jaıly mektep» jobasy aıasynda 4200 oryndyq 10 mektep salý josparlanýda. Bıyl 2 mektep paıdalanýǵa berilgen. 111 oryndyq «Ǵajaıyptar álemi» arnaıy mektep-balabaqsha kesheni ashyldy», - deıdi Inessa Chernysheva.
