Shyǵys Qazaqstanda azdaǵan qarly burqasyn bolady - 20 aqpanǵa arnalǵan aýa raıy boljamy
ASTANA. 19 aqpan. QazAqparat - QR Qorshaǵan ortany qorǵaý mınıstrligi «Qazgıdromet» RMK-niń boljamynsha, erteń Qazaqstannyń basym aýmaǵy antıtsıklonnyń yqpalynda bolady, soǵan baılanysty aýa raıy jaýyn-shashynsyz bolady dep kútilýde, keı jerlerde tuman túsip, jel kúsheıedi.
Respýblıkanyń batysy men ońtústiginde aýa raıy turaqsyz bolady, keı jerlerde jaýyn-shashyn jaýyp, tuman túsedi, kóktaıǵaq ornap, jel kúsheıedi.
Almaty oblysynda túnde jáne tańerteń keı jerlerde tuman túsip, Jalańashkól aýmaǵynda 22-27 m/s jyldamdyqpen jel soǵady, onyń ekpini 30 m/s-qa jetedi.
Shyǵys Qazaqstan oblysynda keı jerlerde azdaǵan qarly burqasyn bolady, Jarma aýdanynda 15-20 m/s jyldamdyqpen jel soǵady.
Aqmola, Ońtústik Qazaqstan, Qostanaı, Soltústik Qazaqstan oblystarynda túnde jáne tańerteń tuman túsedi.
Jambyl, Qyzylorda, Mańǵystaý, Atyraý oblystarynda tuman túsedi, kóktaıǵaq bolady, Qyzylorda oblysynda kúndiz jeldiń ekpini 15-20 m/s-ty quraıdy.
