Shyǵys Qazaqstanda aıazǵa baılanysty sabaqtar toqtatyldy
SEMEI. QazAqparat – Shyǵys Qazaqstan oblysynda aıazǵa baılanysty sabaqtar bolmaıdy, dep habarlaıdy QazAqparat ShQO Tótenshe jaǵdaılar departamentine silteme jasap.
TJD habarlaýynsha, bilim basqaramasynyń málimetine sáıkes, 30 qańtarda – 30 gradýs aıazǵa baılanysty Semeı qalasynda birinshi aýysymdaǵy 1-4 synyp oqýshylaryna sabaq bolmaıdy.
Sonymen qatar, Shemonaıha, Ulan, Borodýlıhın, Kúrshim, Qaton-Qaraǵaı aýdandary men Kýrchatov jáne Rıdder qalalarynda birinshi aýysymdaǵy bastaýysh synyp oqýshylary mektepke barmaıdy.
Sol aralyqta Kókpekti, Besqaraǵaı aýdandarynda 1-den 11-synypqa deıin sabaq toqtatyldy, al Altaı aýdanynda birinshi aýysymdaǵy 1-9 synyp oqýshylaryna sabaq bolmaıdy.
Aıta ketsek, eń sýyq Kókpekti jáne Altaı aýdandary. Ol jaqta termometr baǵany -31-ge tómendedi.
