Shyǵys Qazaqstanda avtojoldardyń biri qaıta ashyldy
ÓSKEMEN. QazAqparat – Shyǵys Qazaqstan oblysyndaǵy tasjoldardyń biri qaıta ashyldy, dep habarlaıdy QazAqparat tilshisi.
«Qazavtojol» JShS ShQOF málimetine súıensek, aýa raıy jylynyp, borannyń beti qaıtqan.
Osyǵan baılanysty 8 aqpan saǵat 17:40-tan bastap respýblıkalyq mańyzy bar «Almaty-Óskemen» tasjolynyń 971-1041 shaqyrymynda (Qalbataý aýyly men Qasym Qaısenov kentiniń aralyǵy) kólik qozǵalysyna ruqsat berilgen.
Osy rette ShQO tótenshe jaǵdaılar departamenti óńir jurtshylyǵyna alys saparǵa shyǵar aldynda joldardyń jaı-kúıin «Dármen» mobıldi qosymshasy arqyly tekserip otyrýǵa keńes berdi.
