Shyǵys Qazaqstanda avtobýs pen jeńil kólik soqtyǵysyp, eki adam mert boldy
ÓSKEMEN. QazAqparat - Shyǵys Qazaqstan oblysynda jeńil kólik pen avtobýs soqtyǵysty, dep habarlaıdy QazAqparat.
ShQO polıtsııa departamenti taratqan málimetke sensek, 13 aqpan kúni keshki 16.30 shamasynda Glýbokoe aýdanynda Óskemen-Rıdder jolynyń 34-shaqyrymynda jeńil kólik pen jolaýshylar avtobýsy soqtyǵysyp qalǵan.
Apat saldarynan «Datsun» kóliginiń 36 jastaǵy júrgizýshisi jáne onyń janyndaǵy 29 jastaǵy jolaýshy áıel oqıǵa ornynda jan tapsyrdy.
Atalǵan fakti negizinde Qylmystyq kodekstiń 345-baby 4-bólimi boıynsha sotqa deıingi tergeý bastaldy.
Qazirgi tańda birqatar sot-medıtsınalyq saraptama taǵaıyndalǵan, onyń nátıjesi boıynsha protsessýaldy sheshim qabyldanady.
Polıtsııa QPK 201-babyna sáıkes qalǵan málimet jarııalaýǵa bolmaıtynyn málim etti.
