Shyǵys Qazaqstanda aýyl turǵyndarynyń 81 paıyzy taza aýyzsýmen qamtylǵan
ÓSKEMEN. QazAqparat – Shyǵys Qazaqstan oblysynda aýyl halqynyń 81,4 paıyzy taza aýyzsýmen qamtylǵan, dep habarlaıdy QazAqparat tilshisi.
Osy jaıly ShQO ákimi Danıal Ahmetov halyqqa esep berý barysynda aıtty.
«Halyqty taza aýyzsýmen qamtamasyz etý – ómir sapasynyń mańyzdy kórsetkishi. Ótken jyly oblysta 37 sýmen jabdyqtaý nysany paıdalanýǵa berilgen. 51 eldi mekende sýdy tazartý jáne taratýdyń modýldik stantsııalary ornatyldy. Jyl qorytyndysy boıynsha oblys aýyldaryn ortalyqtandyrylǵan sýmen qamtamasyz etý kórsetkishi – 77,4%-dy qurady. Jalpy aýyl turǵyndarynyń taza aýyzsýmen qamtylý deńgeıi 81,4%-ǵa jetip otyr», - dedi aımaq basshysy.
Onyń aıtýynsha, óńirde 2015 jyldan bastap sýmen jabdyqtaý nysandaryna baǵyttalǵan qarjylandyrý kólemi 9 esege artqan.
«2021 jyly taǵy 37 nysandy iske qosý josparlanyp otyr. Budan bólek, halyq az qonystanǵan 51 eldi mekende blokty-modýldi stantsııalar ornatylady», - dedi Danıal Ahmetov.
Esterińizge sala ketsek, osyǵan deıin ShQO-da shekaradaǵy aýdandardy damytýǵa 218 mlrd teńge jumsalatyndyǵy habarlanǵan edi.
