Shyǵys Qazaqstanda aýrýhana aýmaǵyna elik kirip ketti
«Tarbaǵataı» ulttyq parkiniń málimetine súıensek, oqıǵa 24 qańtar kúni Úrjar aýdanynda bolǵan.
«Bizge aýdandyq aýrýhana aýmaǵynda elik kirip ketip, shyǵa almaı júrgeni týraly habar tústi. Ulttyq park qyzmetkerleri aqparatty ala sala oqıǵa ornyna attandy. Sol jerge kelgen kezde janýardyń qalyń qarǵa batyp, qozǵala almaı turǵany anyqtaldy», - deıdi «Tarbaǵataı» ulttyq parki tabıǵı keshender men obektilerdi qorǵaý bóliminiń ańshy-bıology Elena Krason.
Onyń aıtýynsha, elikti ustaǵannan keıin tekserý jumystary júrgizildi. Qoryqqan janýar urǵashy, ári jas Sibir eligi bolyp shyqty.
«Janýardy tekserý kezinde oǵan eshqandaı zaqym kelmegeni belgili boldy. Eliktiń jaǵdaıy qanaǵattanarlyq dep baǵalandy. Tekserýden keıin elik qaýipsiz jerge jetkizilip, erkindikke jiberildi», - deıdi E.Krason.
Vıdeodan alynǵan kadr/instagram.com/tarbagatai_2018