Shyǵys Qazaqstanda aýqymdy sý tasqynyna qarsy oqý-jattyǵý ótedi
ÓSKEMEN. QazAqparat - «Qazgıdromet» RMK boljamyna sáıkes naýryzdyń basynda ShQO aýmaǵynda aýa temperatýrasy kúrt kóteriledi dep kútilýde.
Óńirdiń qutqarý qyzmeti «Kóktemde sý tasqyny jaǵdaıynyń qolaısyz kezeńinde tótenshe jaǵdaılardyń saldaryn joıý kezindegi qutqarý jáne shuǵyl jumystardy daıyndaý jáne júrgizý» atty aýqymdy taktıkalyq-arnaıy jattyǵýǵa ázirlenýde. Ol erteń bastalmaq, dep habarlady «QazAqparat» HAA tilshisi.
Bıyl óńirge qalyń qar tústi. Sý tasý qaýpi joǵary. Jattyǵý sý basqan kezde azamattyq qorǵanys qyzmeti men halyqtyń áreketin pysyqtaý úshin ótkizilýde», - dedi TJD.
Jattyǵý máni boıynsha, qala ákiminiń jedel kezekshi bólimine «138» nómirine Gorodskaıa kóshesi boıynsha birden birneshe úıdi sý basqany jaıly qońyraý túsedi.
Jattyǵýda habarlandyrý júıesi jáne sý basqan aýdandardan adamdardy evakýatsııalaý, barlyq qajetti qyzmetter, kommýnaldyq qyzmetterdiń ózara baılanysyn uıymdastyrý sátteri, jaǵalaýdy, úılerdi nyǵaıtý, sý basqan aımaqtan sý aıdaý, Ulttyq gvardııa áskerlerine kómektesý, materıaldyq shyǵyndy anyqtaý komıssııasyn qurý máseleleri pysyqtalady.
Aýqymdy jattyǵýǵa birden birneshe arnaıy qyzmetter qatysady. Atap aıtqanda, GÝ «Óskemen TJB» MM, ShQO TJD «Órt sóndirý jáne avarııalyq-qutqarý jumystary qyzmeti", «Óskemen-Tártip» jáne «Óskemen-Vodokanal», QR Ulttyq gvardııasynyń jeke quramy, Apat medıtsına ortalyǵy, jedel járdem kómegi stansasy, ShÓAJQJ.
