Shyǵys Qazaqstanda aýany lastaıtyn kásiporyndarǵa arnaıy datchık ornatylady
ShQO ekologııa departamenti baspasóz qyzmetiniń málimetine súıensek, óńirde aýany lastaıtyn iri kásiporyndarǵa zııandy shyǵaryndylardy avtomatty baqylaý júıesi osy jyldan bastap ornatylady.
«Bul júıeniń arqasynda kásiporyndardyń shyǵaryndylaryn naqty ýaqyt rejıminde baqylap otyrýǵa bolady. «Kaztsınk» JShS úshin jabdyqtar «Corporate Business Systems» JShS óndiristik bazasynda qurastyryldy. Endi shilde aıynyń sońyna deıin «Kaztsınktiń» qoımasyna jetkiziledi. «Óskemen jylý elektr ortalyǵy» JShS-ge «Atrıým StroıInvest» JShS-men kelisim boıynsha jetkiziledi. Atalǵan eki kásiporynda jańa júıe bıylǵy jyldyń jeltoqsan aıynda paıdalanýǵa beriledi dep josparlanǵan», - deıdi departament basshysy Danııar Álıev.
«Rıdder JEO» AQ da osyndaı júıeden tys qalmaıdy. Ortalyqqa jabdyqtar kelesi jyldyń aqpan-naýryz aılarynda paıdalanýǵa beriledi dep kútilip otyr.