Shyǵys Qazaqstanda ana men bala ólimi azaımaı otyr
ÓSKEMEN. QazAqparat - Shyǵys Qazaqstanda ana men bala ólimi respýblıkalyq jalpy kórsetkishten joǵary. Bul týraly oblystyq densaýlyq saqtaý basqarmasynyń basshysy Marat Shoranov «Nur Otan» parıtıasy fılıalynda ótken májiliste aıtty, dep habarlaıdy QazAqparat tilshisi.
Partııa ókilderiniń aldynda 2016-2019 jyldarǵa arnalǵan «Densaýlyq» memlekettik baǵdarlamasynyń nátıjelerin baıandaǵan basqarma basshysy ana men bala ólimin azaıtý ındıkatory oryndalmaǵanyn moıyndady.
Baǵdarlama ındıkatorynda sábı men ana ólimi bıyl 1000 balaǵa shaqqanda 7,19 bolýy tıis eken. Al naqty nátıje - 7,6. Bul tipti respýblıkalyq ortaq kórsetkishten 0,4 faktige artyq.
«Keleńsizdiktiń sebebin zerttep kórdik. Ana óliminiń negizgi sebepteri - qan ketý men sepsıs. Bala óliminiń sebepkeri - tynys joldaryndaǵy aqaýlar men qantamyr júıesiniń týabitti aqaýlary. Bıyl ǵana jańa týǵan sábılerdiń arasynda atalmysh dertterdiń 43 jaǵdaıy tirkeldi» - dedi Marat Shoranov.
Basqarma ókili Altaı jáne Aıagóz aýdandarynda ashylǵan ınsýlt ortalyqtary jaǵdaıdy jaqsartýy múmkin degen pikir aıtty. Atalmysh ortalyqtar shalǵaıdaǵy aýdandarǵa da qyzmet kórsetýi tıis.
