Shyǵys Qazaqstanda Alǵys aıtý kúnine oraı 100-ge jýyq shara ótedi
ShQO Qoǵamdyq damý basqarmasynyń málimetine súıensek, Alǵys aıtý kúnine oraı óńirdegi barlyq qala, aýdanda jáne dostyq úılerinde 96 shara ótkizilmek. Onyń ishinde aýqymdy aktsııalar, kontsertter men chellendjder bar.
«Bul merekeni atap ótýde qaıyrymdylyq aktsııalarynyń mańyzy zor. Oblysta bul sharalar «Qamqorlyq», «Qarttardy ardaqtaıyq!», «Alǵys aıtý-paryzym» urandarymen ótedi. Sonyń aıasynda Shyǵys Qazaqstannyń damýyna úles qosqan, túrli salada talaı jyl jumys istep kele jatqan azamattardyń beınesin halyqqa tanystyrýǵa erekshe nazar aýdarylady», - deıdi basqarma basshysy Janat Mekeeva.
Onyń aıtýynsha, 22 aqpannan bastap áleýmettik jelilerde «Alǵysymyz sheksiz» jáne «Bizdiń aramyzdaǵy batyrlar» chellendjderi iske qosyldy. Merekeni osyndaı formatta ótkizý qazaqstandyqtardy eńbek qundylyqtaryna, ózara kómek pen azamattyq jaýapkershilikke baýlýǵa múmkindik beredi.
