Shyǵys Qazaqstanda áleýmettik az qamtylǵan 50 otbasyna kómek kórsetildi

ÓSKEMEN.QazAqparat - Halyqaralyq balalardy qorǵaý kúnine oraı oblystyq qan ortalyǵynda Shyǵys Qazaqstandaǵy Qyzyl jarty aı qoǵamynyń ókilderi basqa da erikti tulǵalarmen birlesip «Alaqaı, demalys!» aktsııasyn ótkizdi. Shara aıasynda óńirdegi 50 álemettik az qamtylǵan jáne kópbalaly otbasyna azyq-túlik pen kıim-keshek berildi. Bul týraly QazAqparat tilshisi oblystyq ІІD baspasóz qyzmetine silteme jasap habarlaıdy.

Jeke kásipkerler otbasylarǵa 420 keli azyq-túlik - un, jarma, sháı jáne balalarǵa arnalǵan táttilerdi jetkizdi.

Shyǵys Qazaqstan oblysynyń polıtseıleri de osy sharadan tys qalmady. Tártip saqshylary 250 myń teńge kólemindegi 500 qaıyrymdylyq kýpondaryn balalarǵa syıǵa tartty.

«Jınalǵan qarjy balalardyń jazǵy kıimderin, jórgekteri men basqa da jýý quraldaryn alýǵa septigin tıgizdi», - dedi Qyzyl jarty aı qoǵamy bólimshesiniń dırektory Araılym Ábilǵalymova.

Mundaı qaıyrymdylyq sharasy aldaǵy ýaqytta da jalǵasatyn bolady dep atap ótti polıtsııa ókilderi.