Shyǵys Qazaqstanda aldaǵy úsh jylda 500 myńǵa jýyq aǵash otyrǵyzylady
Prezıdent Qasym-Jomart Toqaevtyń Joldaýyndaǵy tapsyrmalardy oryndaý aıasynda Shyǵys Qazaqstan oblysynyń eldi mekenderin kógaldandyrýdyń 2025 jylǵa deıingi jospary bekitildi. Sol ýaqytqa deıin óńirde 476,5 myń aǵash otyrǵyzý josparlanyp otyr. Bul týraly aqparat ortalyǵynda ótken baspasóz máslıhatynda ShQO Tabıǵı resýrstar jáne tabıǵat paıdalanýdy retteý basqarmasy basshysynyń orynbasary Elaman Muhtarhanov málim etti.
«Oblys boıynsha 2021 jyldan beri 277 myń aǵash, al Óskemen qalasynda 26 myń aǵash otyrǵyzyldy. Budan bólek, orman kólemin ulǵaıtýdyń keshendi jospary ázirlendi. Bes jyl ishinde ormandardaǵy jalpy aýdany 15 myń gektar jerge aǵash egiledi. Sondaı-aq 76 mln-nan astam kóshet otyrǵyzylmaq», - dedi ol.
Elaman Muhtarhanov óz sózinde óńir jurtshylyǵynyń qatysýymen ázirlengen ekologııalyq problemalardy keshendi sheshý jónindegi jol kartasynyń da iske asyrylyp jatqanyn aıtty. Jalpy, sońǵy 10 jylda bul maqsatta qabyldanǵan sharalar zaýyttardan atmosferaǵa taralatyn zııandy shyǵaryndylardy 13%-ǵa qysqartýǵa múmkindik berdi.