Shyǵys Qazaqstanda aqyly jol paıda bolady
ShQO Polıtsııa departamentiniń málimetinshe, 2021 jyly «QazAvtoJol» kompanııasy Besqaraǵaı, Jarma aýdandary men Semeı qalasy arqyly ótetin respýblıkalyq «Omby-Maıqapshaǵaı» tasjolynyń ýchaskesi (Pavlodar oblysynyń shekarasy-Qalbataý kenti) boıynsha qatynaý júk kólikteri úshin aqyly bolady. Jol qozǵalysyn baqylaý arnaıy júıeniń kómegimen júzege asyrylady.
«Osy maqsatta ótken jyldyń sońynda ınvestorlardyń qarajaty esebinen atalǵan jol ýchaskesi boıynsha 8 baqylaý arkasy ornatyldy. Qazirgi ýaqytta kameralardy iske qosý-retteý jumystary júrgizilip jatyr. Jol júrý baǵasy 5-9 naýryz aralyǵynda Semeı men Shar qalalary, Qalbataý kenti jáne Besqaraǵaı aýylynda belgilengen qoǵamdyq tyńdaýlar ótkizilgennen keıin anyqtalady», - dep habarlady vedomstvo ókilderi.
