Shyǵys Qazaqstanda Abaı men Shákárim beınelengen stella ornatyldy

ÓSKEMEN. QazAqparat – Shyǵys Qazaqstan oblysynda Abaıdyń 175 jyldyǵyna oraı 9 metrlik stella ornatyldy, dep habarlaıdy QazAqparat tilshisi.

Oblys ákimdigi taratqan málimetke súıensek, Abaı men Shákárim beınelengen stella hakimniń Jıdebaıdaǵy mýzeı-úıiniń kireberisine ornatylǵan.

Bıiktigi - 9,5 metr, al jalpy salmaǵy - 3,5 tonna.

Stella Jıdebaı degen jazýy bar ashylǵan kitap túrinde jasalǵan. Sondaı-aq onda Shyńǵystaýdyń taýlary kórinis tapty. Eń joǵarǵy jaǵynda juldyz tur.

Esterińizge sala ketsek, Abaı aýdany Qaraýyl aýylynda uly aqynnyń mereıtoıyna oraı dombyra túrindegi saıabaq salynyp jatyr.