Shyǵys Qazaqstanda 9 perzenthana qaıta jabdyqtalady
ÓSKEMEN. QazAqparat – Shyǵys Qazaqstan oblysynda 9 perzenthanaǵa jańa jabdyqtar satyp alynbaq, dep habarlaıdy QazAqparat.
«Óńirimizde dúnıe esigin ashqan sábılerdiń 80% - Óskemen jáne Semeı qalalarynda. Al aýdandardaǵy bolashaq analar aıy-kúni jetkende jolǵa shyǵyp, júzdegen shaqyrymdy artqa tastaýǵa májbúr bolýda. Bul durys emes. Sondyqtan 4 aýdan ortalyqtaryndaǵy jáne 5 irgedegi aýyldarda ornalasqan 9 perzenthana bólimi qaıta jabdyqtalady», – dedi oblys ákimi Danıal Ahmetov qoǵamdyq keńes aldyndaǵy esep berýinde.
Osynyń nátıjesinde joǵary medıtsınalyq standarttarǵa sáıkes jabdyqtalatyn 9 perzenthana ekinshi deńgeıge kóterilmek.
«Sondaı-aq bıyl Altaı jáne Aıagóz qalalarynda kardıoortalyq ashýdy josparlap otyrmyz. Bizdiń maqsat – tek Óskemen men Semeıde ǵana emes, barlyq aýdandardaǵy medıtsına sapasyn jaqsartý. Maqanshy, Marqakól syndy shalǵaı aýyldardyń halqy emdelý úshin arly-berli sabylyp júrmeýi tıis», – deıdi aımaq basshysy.
