Shyǵys Qazaqstanda 85 myńnan astam adam JRVI juqtyrdy
ShQO sanıtarlyq-epıdemıologııalyq baqylaý departamentiniń málimetine súıensek, óńir boıynsha kúzden beri 85 219 adam jiti respıratorly vırýstyq ınfektsııamen aýyrǵan.
Bul kórsetkish ótken jylmen salystyrǵanda 4,8%-dan asady.
«JRVI-ge shaldyqqandardyń 71%-y – 14 jasqa deıingi balalar. Sondaı-aq júkti áıelder arasynda jiti respıratorlyq vırýstyq ınfektsııanyń 294 jaǵdaıy tirkeldi. Naýqastardy aýrýhanaǵa jatqyzý kórsetkishi 0,8 paıyzdy quraıdy», - deıdi departament basshysynyń orynbasary Sáýle Slıamǵazına.
Onyń aıtýynsha, epıdemıologııalyq jaǵdaıdy turaqtandyrý úshin tumaýǵa qarsy vaktsınalar jyl saıyn jergilikti bıýdjetten satyp alynady.
Bıyl qoımaǵa 75 myń doza vaktsına jetkizilip, 82 myńnan astam adamǵa ekpe salyndy. Bul - oblys halqynyń 11,4 paıyzy.
