Shyǵys Qazaqstanda 83 myńnan astam adam Pfizer vaktsınasyn saldyrdy

ÓSKEMEN. QazAqparat – Shyǵys Qazaqstan oblysynda 83 367 adam Pfizer vaktsınasyn saldyrdy, dep habarlaıdy QazAqparat tilshisi.

ShQO Densaýlyq saqtaý basqarmasy baspasóz qyzmetiniń málimetine súıensek, óńir boıynsha COVID-19 ınfektsııasyna qarsy amerıkalyq Pfizer vaktsınasyn saldyrý naýqany jalǵasýda.

«Búgingi tańda Pfizer vaktsınasyn alatyndar sanatyndaǵy halyqty ımmýndaý jumystary qarqyndy júrýde. Aımaq boıynsha 12-18 jas aralyǵyndaǵy 76 500-den astam bala ekpe aldy. Olardy vaktsınalaý tek ata-anasynyń ruqsatymen júrgizilýde. Sondaı-aq 1570 júkti jáne 5200-den astam bala emizetin áıel ekpe saldyrǵan», - delingen aqparatta.

Osy sanattaǵy azamattar vaktsınanyń ekinshi komponentin de alýda. Naqty aıtqanda, 20 myńǵa jýyq adam vaktsınalaý protsedýrasyn tolyqtaı aıaqtady.