Shyǵys Qazaqstanda 81 mektep áli kómir jaǵyp otyr
Bul týraly ShQO bilim basqarmasynyń basshysy Innesa Chernysheva baspasóz máslıhatynda aıtyp berdi.
«Qazirgi ýaqytta bilim ordalary jylytý maýsymyna ázirlik ústinde. Oblystaǵy 343 mekteptiń 81-i kómirmen jylytylady. Olar úshin 30 myń tonna kómir satyp alyndy. Búginde 24 myń tonnasy jetkizilgen. Qalǵan kómir 31 tamyzǵa deıin tolyqtaı jetkiziledi dep josparlanýda», - deıdi ol.
Basqarma basshysynyń aıtýynsha, óńir boıynsha barlyq mektep beınebaqylaý kameralarymen jabdyqtalǵan.
«Jańa oqý jylynan bastap 99 eldi mekende 4208 balany kún saıyn 128 avtobýs tasymaldady. Onyń 11-i bıyl satyp alynǵan. Shyǵys Qazaqstandaǵy erekshe bilimdi qajet etetin 10 896 balanyń 8 556-sy mektep oqýshylary. Olarǵa korrektsııalyq qoldaý kórsetý úshin 24 arnaıy bilim berý uıymy jumys isteıdi», - deıdi Innesa Chernysheva.
