Shyǵys Qazaqstanda 800 tonnadan astam pishen janyp ketti

ÓSKEMEN. QazAqparat – Shyǵys Qazaqstan oblysynda bıyl órt qaýpi joǵary kezeń bastalǵaly beri 800 tonnadan astam pishen janǵan, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, óńir boıynsha órt qaýipsizdigi erejeleriniń saqtalmaýynan 840 tonna pishen janyp ketti.

«Órt sóndirýshiler apta saıyn jem-shóp saqtalatyn jerlerde, pishen jınalǵan saraılarda shyqqan qyzyl jalynmen kúresýge attanady. Mundaı órtter Úrjar, Kókpekti, Jarma, Aıagóz, Besqaraǵaı jáne Kúrshim aýdandarynda tirkelgen. Kóp jaǵdaıda órt shyǵýynyń negizgi sebepteri – otty abaısyz paıdalaný jáne órt qaýipsizdigi talaptarynyń saqtalmaýy», - delingen habarlamada.

Aıta keteıik, órttiń aldyn alý maqsatynda qutqarýshylar sharýa qojalyq ıeleri men saıajaı turǵyndaryna túsindirý jumystaryn júrgizýde.