Shyǵys Qazaqstanda 80 jastaǵy zeınetker órtten kóz jumdy
GLÝBOKOE AÝDANY. QazAqparat – Shyǵys Qazaqstan oblysynda jeke turǵyn úıde bolǵan órtten zeınetker kóz jumdy, dep habarlaıdy QazAqparat ShQO tótenshe jaǵdaılar departamentiniń baspasóz qyzmetine silteme jasap.
Vedomstvo 13 shilde kúni tańǵy saǵat 4-te Glýbokoe aýdanyndaǵy Gornaıa Ýlbınka aýylynda jeke turǵyn úıde órt bolǵanyn habarlady. Jalyn 49 sharshy metr aýmaqqa taraǵan. Qutqarýshylar jeke turǵyn úıge kelgende qabyrǵalardyń, jabynnyń, shatyrdyń, tereze jáne esik bloktarynyń aǵash qurylymdary, sondaı-aq jıhazdar, jeke zattar janyp ketken. Órt saldarynan shatyr qulaǵan.
Qutqarý jumystary barysynda 80 jastaǵy er adamnyń máıiti tabyldy. Jalyndy ShQO TJD órt sóndirý qyzmeti sóndirdi. Úı tolyǵymen janyp ketti. Órtti sóndirýge barlyǵy 12 adam jáne 3 tehnıka jumyldyryldy.
Glýbokoe aýdanynyń tótenshe jaǵdaılar bólimi turǵyndardy ózderiniń jáne jaqyndarynyń qaýipsizdigi týraly aldyn ala oılanýǵa shaqyrady.
