Shyǵys Qazaqstanda 8 jasar balany ıt qaýyp aldy

ÓSKEMEN. QazAqparat – Shyǵys Qazaqstan oblysy Altaı aýdanynda balany ıt qaýyp aldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, Altaı qalasynda 8 jasar balany kórshiniń ıti qaýyp alǵan.

Kýágerlerdiń aıtýynsha, ıesi qaqpa esigin ashyq qaldyrǵanynyń saldarynan ıt syrtqa shyǵyp ketken. Sol jerde bala jalǵyz ózi oınap júrgen. It balaǵa atylyp, arqasynan tistegen. Abyroı bolǵanda, bala aman qaldy. Qazirgi ýaqytta ol aýrýhanaǵa jatqyzylǵan.

«Atalǵan fakti boıynsha janýar ıesine QR ÁQBtK-niń 407-baby 1-bóligimen (janýarlarǵa jaýapkershilikpen qaraý salasyndaǵy zańnamany buzý) ákimshilik hattama toltyryldy. Endi ol 10 AEK (34 500 teńge) mólsherinde aıyppul tóleıdi», - dep habarlady vedomstvo ókilderi.