Shyǵys Qazaqstanda 765 nysan Ashyq jobasyna qosylǵan
ShQO kásipkerler palatasy baspasóz qyzmetiniń málimetine súıensek, búgingi tańda óńir boıynsha Ashyq jobasyna 765 nysan qosyldy.
Onyń ishindegi 553-i resmı túrde jobaǵa qatysýda, 212-si testilik rejımde jumys istep jatyr. Al kelýshilerdi QR kody boıynsha az tirkegen 17 nysan jobadan shyǵarylǵan.
«Áleýmettik mańyzy bar nysandardyń ishinde Semeı qalasynyń áýejaıy men Óskemendegi temirjol vokzaly Ashyq jobasyna qosylǵan. Sondaı-aq Semeıdegi temirjol vokzaly da 1 shildeden bastap qosylýy tıis», - dedi oblystyq Kásipkerler palatasynyń dırektory Qaırat Mamyrbaev.
Aıta keteıik, elimizde 26 sáýirde iske qosylǵan Ashyq jobasy bıznes sýbektilerinde koronavırýs ınfektsııasynyń taralý qaýpin azaıtýǵa baǵyttalǵan.
Arnaıy jasalǵan qosymsha PTR-diń jalpy bazasymen biriktirilgen.
Bul ár azamattyń qaýipti dertke shaldyqqanyn nemese aýyrǵandarmen baılanysta bolǵanyn anyqtaýǵa múmkindik beredi.
