Shyǵys Qazaqstanda 70 pornografııa saıt anyqtaldy
ÓSKEMEN. QazAqparat – Shyǵys Qazaqstan oblysynyń polıtsııa qyzmetkerleri 70 pornografııa saıtty anyqtady, dep habarlaıdy QazAqparat tilshisi.
ShQO Polıtsııa departamenti baspasóz qyzmetiniń málimetine súıensek, tártip saqshylary 9-15 tamyz aralyǵynda «Anti-fraud» jedel aldyn alý sharasyn júrgizdi. Mundaǵy maqsat – aqparattyq tehnologııany qoldaný arqyly jasalatyn alaıaqtyqtyń aldyn alý jáne jolyn kesý.
«Jeti kún ishinde tártip saqshylary 12 ınternet alaıaqtyqty áshkereledi. Sondaı-aq buryn jasalǵan 33 qylmys ashyldy. Ǵalamtor jelisine monıtorıng júrgizý nátıjesinde pornografııa beıne rolıkteri bar 70 saıt anyqtalǵan», - dep habarlady vedomstvo ókilderi.
Osy rette, departament mamandary azamattardy ǵalamtordy paıdalanǵan kezde barynsha saq bolýǵa shaqyrady. Aqshańyzdy, bank kartańyzdyń derekterin jáne uıaly operatorlardan túsetin qupııasózderdi beıtanys adamdarǵa jibermeńiz.
