Shyǵys Qazaqstanda 7 modýldik polıtsııa beketi ashylady
ShQO Polıtsııa departamenti baspasóz qyzmetiniń málimetinshe, búgin Óskemen qalasynda jańa modýldik polıtsııa beketi ashyldy. Bul Memleket basshysy Qasym-Jomart Toqaevtyń jergilikti polıtsııa qyzmetin «Polıtsııa qadamdyq qoljetimdilikte» qaǵıdaty boıynsha reformalaý tapsyrmasy aıasynda júzege asyrylyp otyr.
«Atalǵan beketterde polıtsııa qyzmetkerleri qoǵamdyq tártipti saqtap, aýmaqty patrýldep, azamattardy qabyldaý úshin táýlik boıy kezekshilik atqaratyn bolady. Bul jurtshylyqqa kez kelgen ýaqytta kómekke júginýge nemese tolǵandyrǵan suraqtaryna jaýap alýǵa múmkindik beredi», - dedi departament bastyǵy Saǵat Mádıev.
Jalpy oblys boıynsha 7 modýldik statsıonarlyq polıtsııa beketin ashý josparlanǵan. Onyń beseýi Óskemende, ekeýi Semeıde ornalaspaq.
