Shyǵys Qazaqstanda 7 mekteptiń qurylysy júrip jatyr
Óńir boıynsha 2025 jylǵa deıin 33 mektep salynbaq. Qazirgi ýaqytta 1520 oryndyq 7 mekteptiń qurylysy júrgizilýde.
Bul týraly oblystyq aqparat ortalyǵynda ótken baspasóz máslıhaty barysynda ShQO qurylys, sáýlet jáne qala qurylysy basqarmasy basshysynyń orynbasary Álisher Beken aıtty.
«Atap aıtqanda, respýblıkalyq bıýdjet esebinen 920 oryndyq 2 mektep salynýda. Bul Rıdder qalasyndaǵy 600 oryndyq jáne Ulan aýdanyndaǵy 320 oryndyq bilim ordalary. 350 oryndyq 4 shaǵyn jınaqty mekteptiń qurylysy ofteık-kelisimshart boıynsha júrgizilip jatyr», - dedi ol.
Shaǵyn jınaqty mektepter Besqaraǵaı aýdany Jylandy aýylynda, Kúrshim aýdany Jolnusqaý aýylynda, Jarma aýdany Qapaı batyr aýylynda, Kúrshim aýdany Uranhaı aýylynda boı kóteredi.
Olardyń qurylys jumystary 2022 jyldyń qyrkúıeginde aıaqtalady dep josparlanǵan.
Sondaı-aq Shemonaıha aýdanynda memlekettik-jekeshelik áriptestik aıasynda 250 oryndyq mektep salynyp jatyr.