Shyǵys Qazaqstanda 65 jastaǵy balyqshy sýǵa batyp ketti
ÓSKEMEN. QazAqparat – Shyǵys Qazaqstan oblysynda 65 jastaǵy balyqshy sýǵa batqan, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, Ulan aýdanynda qaýipsizdik sharalaryn saqtamaǵan balyqshy sýǵa batyp ketti.
«Qaıǵyly oqıǵa aýdandaǵy balyqshylardyń súıikti ornyna aınalǵan Alebastr sý qoımasynda bolǵan. 1956 jylǵy er adam sýǵa batty. Belgili bolǵandaı, ol dosymen birge qutqarý keýdeshesin kımesten qaıyqqa otyryp, balyq aýlaýǵa ketken», - dep habarlady vedomstvo ókilderi.
Jaǵadan 200 metrge uzap ketken balyqshy qaıyqta tura almaı sýǵa qulady. Kýágerler kómekke umtylǵanymen ony aman alyp qalý múmkin bolmaǵan.
Osy rette, departament mamandary óńir jurtshylyǵyna balyq aýlaýǵa barǵanda qaýipsizdik sharalaryn qatań saqtaý qajettigin eskertedi.
