Shyǵys Qazaqstanda 58 oqýshy koronavırýs juqtyrdy
ÓSKEMEN. QazAqparat – Shyǵys Qazaqstan oblysynda 1 qyrkúıek pen 11 qazan aralyǵynda 58 oqýshy juqpaly dertke shaldyqqan, dep habarlaıdy QazAqparat tilshisi.
ShQO taýarlar men qyzmetterdiń sapasy men qaýipsizdigin baqylaý departamenti baspasóz qyzmetiniń málimetine súıensek, naýqastardyń 34-i kezekshi synyptarda bilim alsa, qalǵan 24 bala qashyqtan oqyǵan.
«Naqty aıtsaq, Altaı aýdanynda 11, Glýbokoe aýdanynda 10, Rıdder qalasynda 11, Semeıde 7, Óskemende 8, Kókpekti aýdanynda 5, Shemonaıha aýdanynda 2, Kýrchatov qalasynda 2 jáne Kúrshim men Katonqaraǵaı aýdandarynda 1 oqýshydan koronavırýs juqtyrdy», - dep habarlady vedomstvo ókilderi.
