Shyǵys Qazaqstanda 564 oqýshy «Altyn belgige» úmitker
ÓSKEMEN. QazAqparat – Shyǵys Qazaqstan oblysynda bıyl 8 860 oqýshy mektep bitirip, úlken ómirge qadam basty, dep habarlaıdy QazAqparat tilshisi.
Oblystyq aqparat ortalyǵynda ótken baspasóz máslıhaty barysynda ShQO bilim basqarmasynyń basshysy Saırangúl Jumadilova 2021-2022 oqý jylyn qorytyndylady.
«Óńir boıynsha 644 mektepte 194 476 bala oqydy. Sońǵy qońyraý jospar boıynsha-dástúrli túrde 25 mamyrda oflaın formatta ótti. Attestatty saltanatty tapsyrý jáne bitirý 16-17 maýsymǵa josparlanǵan. Іs-sharalar mektep qabyrǵasynda ótkiziledi», - dedi ol.
Basqarma basshysynyń aıtýynsha, bıyl 11 synypty 8860 oqýshy aıaqtady.
Onyń ishinde «Altyn belgige» úmitker sany - 564, al úzdik attestatqa úmitker - 789.
«9 synypty 17 264 bala bitirdi. Olar úshin 28 mamyrda bastalǵan qorytyndy emtıhandar 6 maýsymǵa deıin jalǵasady. Osy ýaqyt ishinde balalar tórt pán boıynsha emtıhan tapsyrady. Al 8860 túlektiń 7510-y ulttyq birińǵaı testileý tapsyrady. Bıyl memlekettik bilim grantyna úmitkerlerge UBT-ǵa 2 ret qatysýǵa múmkindik berildi», - dedi Saırangúl Jumadilova.
