Shyǵys Qazaqstanda 5500 oryndyq 7 mektep salynady
ÓSKEMEN. QazAqparat – Shyǵys Qazaqstan oblysynda bıyl 7 mektep boı kótermek, dep habarlaıdy QazAqparat.
«Ótken jyly óńirimizde 3 mektep salynǵan bolatyn. 2020 jyly 5500 oryndyq 7 mekteptiń qurylysy júrgiziledi. Jańa bilim ordalary Óskemen, Semeı, Rıdder qalalary men Abaı aýdanynda salynady. Sondaı-aq bıyl 4,5 mlrd teńge bólinip, 129 mektep jóndeýden ótedi», - dedi Danıal Ahmetov turǵyndar aldyndaǵy esep berý kezdesýinde.
Onyń aıtýynsha, oblystaǵy barlyq 648 mektep IT synyptarmen jabdyqtalǵan. Bul - respýblıka boıynsha eń úzdik kórsetkish.
«Aldaǵy úsh jyldyń ishinde 4 myń muǵalim biliktiligin arttyrady. Jyl saıyn úzdik atanǵan ustazdarǵa qosymsha syıaqy berilip otyr. Osynyń barlyǵy oqý sapasyn jaqsartý maqsatynda iske asýda», - deıdi aımaq basshysy.
