Shyǵys Qazaqstanda 50-den astam aýyldy sý basý qaýpi bar
Bul týraly búgin oblystyq Aqparat ortalyǵynda ótken baspasóz máslıhatynda ShQO TJD ókilderi aıtty.
«Óskemen qalasy men Tarbaǵataı, Katonqaraǵaı, Zaısan, Ulan jáne Kúrshim aýdandarynda jerdiń tońy 50 sm-den asady. Qar jamylǵysynyń qalyńdyǵy 8 sm-den (Zaısan aýdany) 87 sm-ge deıin (Altaı aýdany) jetip otyr. Búgingi tańda oblys aýmaǵynda sý basý qaýpi bar 14 047 adam turatyn 71 eldi meken anyqtaldy», - deıdi departamenttiń tótenshe jaǵdaılardyń aldyn alý basqarmasynyń aǵa ınjeneri Aıaýlym Kekıeva.
Jergilikti atqarýshy organdar júrgizgen sharalardyń nátıjesinde, 15 eldi mekende qaýip joıylyp, 46-synda barynsha azaıtyldy. ıAǵnı, 56 aýylda sý basý qaýpi áli de saqtalady.
Qalalar men aýdandardyń ákimdikteri 140 shaqyrym kanaldy jáne 376 shaqyrym aryqty tazartý jáne tereńdetý jumystaryn júrgizdi. 53 myń dana ydys-qap, 2 myń tonnadan astam ınertti materıal jáne 251 tonna janar-jaǵarmaı daıyndaldy.