Shyǵys Qazaqstanda 5 qar kóshkini túsirildi
ShQO Tótenshe jaǵdaılar departamenti baspasóz qyzmetiniń málimetine súıensek, naýryz aıynda oblysta qar kóshkini júrý qaýpi barynsha artqan. Sebebi aýa temperatýrasy kúrt jylytyp, jel kúsheıe tústi.
«Soǵan oraı «Qazseldenqorǵaý» ShQ fılıalynyń mamandary men qutqarýshylar birlesip, «Óskemen-Altaı» tasjolynyń 62 shaqyrymyndaǵy taý bókterinde 5 ret jarylys jasady. Túsken qardyń jalpy kólemi 24600 tekshe metrdi qurady. Qar joldy tolyǵymen jaýyp qalǵan. Birden joldy tazartý jumystary júrgizildi», - delingen aqparatta.
«Qazseldenqorǵaý» ShQ fılıalynyń basshysy Omar Dúzgimbaev óńir jurtshylyǵyna qubylmaly aýa raıynda taýly jerlerge múlde barmaý qajettigin eskertti.
«Azamattarǵa qutqarýshylar jasap jatqan daýyldy eskertýlerge qulaq asýdy, kóshkin qaýpi joǵary ýchaskelerge barmaýdy, alys jolǵa shyqqanda barynsha abaı bolýdy eskertemiz. Tipti qatty aıqaı da qar kóshkinin týdyrady. Eger kóshkin júrip ketse jartasty, aǵashtyń artyn panalaýǵa tyrysyńyz, jerge jatyp, basyńyzdy qolyńyzben jabyńyz», - deıdi ol.