Shyǵys Qazaqstanda 40 úıdiń aýlasyn sý basty
ShQO TJD bastyǵynyń orynbasary Qanat Ábdilov onlaın formatta ótken baspasóz máslıhatynda ózenderde sýdyń kóterilgenin aıtty. Alaıda qaýipti deńgeıden aspaǵan.
«Búginde óńirdiń qar jamylǵan aýmaǵy 19% quraıdy. Glýbokoe, Shemonaıha jáne Katonqaraǵaı aýdandarynda qar jamylǵysynyń bıiktigi 15 sm-den aspaıdy. Qutqarýshylar 9 ret aerovızýaldy tekserý júrgizdi. 20 naýryzdan bastap oblysta sý tasqynyna qarsy jedel shtab jumys isteýde. Óńir aýmaǵynda joǵary daıyndyq rejımi engizilip, 2412 tehnıka, 377 motopompa jáne 106 evakýatsııalyq pýnkt daıyndaldy», - dedi ol.
Qazirgi ýaqytta Altaı jáne Kókpekti aýdandarynda QR TJM 52859 áskerı bóliminiń kúshteri men quraldary sý tasqynyna qarsy is-sharalardy jalǵastyrýda. 7700 metr aryqtar men sý burý kanaldary, 24 sý ótkizý nysandary, qarttar men jalǵyzbasty jandardyń 31 úıiniń aýlasy qardan tazartylǵan. Sondaı-aq 3220 dana ydys-qap tóselip, uzyndyǵy 101 metr muz kesildi.
Naýryz aıynan bastap Borodýlıha aýdanynyń Orlovka aýylynda 1 turǵyn úıdi jáne Novopokrovka, Orlovka aýyldary men Rıdder qalasynda 46 turǵyn úıdiń aýlasyn sý basty. Sol jerlerden barlyǵy 201 974 tekshe metr sý sorylyp, ınertti materıaldary bar 10485 danadan astam ydys-qap tóseldi.