Shyǵys Qazaqstanda 4 adamdy tutqynda ustap, zańsyz jumysqa salǵan
ÓSKEMEN. QazAqparat - Shyǵys Qazaqstan oblysyndaǵy adam saýdasyna qatysty jaıttardy oblystyq ІІD baspasóz qyzmeti QazAqparat tilshisine aıtyp berdi.
30 jastaǵy azamat Semeı qalasynyń polıtsııasyna shaǵymdanyp, osydan eki jyl buryn onsha tanys emes adamdar ony bir aýdanǵa alyp ketip, qystaýda zańsyz jumysqa salǵanyn aıtqan. Dál osyndaı jaǵdaı oblys ortalyǵynyń 40 jastaǵy turǵynynyń basynan da ótken. Osydan bes jyl buryn ol kóńildi dastarqan basynda iship-jep, erteńinde óńirdiń bir aýdanynda esin jıǵan. Sodan bergi 5 jylda ol sharýa qojalyǵynda quldyqta bolyp, óz erkinen tys jumysqa salynǵan. Aqyry ol aıaq-qolyn úsitip, eńbekke jaramaı qalǵanda, kereksiz zat qusatyp kóshege laqtyryp ketken.
ShQO ІІD uıymdasqan qylmysqa qarsy kúres basqarmasynyń qyzmetkerleri múddeli qoǵamdyq birlestiktermen birge halyqtyń qorǵalmaǵan toptary arasynda únemi kezdesýler ótkizip turady. Mundaı basqosýlarda jumysqa ornalasý erejeleri túsindirilip, quqyqtyq saýattylyqty damytý boıynsha jumystar júrgiziledi, kimnen jáne qaı mekemeden kómek suraý kerektigi aıtylady.
Aǵymdaǵy jyldyń basynan beri 15 jeńgetaılyq faktisi anyqtaldy, onyń ishinde úsh jaǵdaı ınternet-resýrstardyń kómegimen iske asyrylǵan. 2 jaǵdaı boıynsha kúdiktiler jezókshelikpen aınalysýǵa ǵımarat bergen, al 4 fakti adamdardy zańsyz jumysqa salýǵa baılanysty.
