Shyǵys Qazaqstanda 373 mobıldik brıgada jumys istep jatyr
ÓSKEMEN. QazAqparat – Shyǵys Qazaqstan oblysynda patsıentterdiń úıine baryp, olarǵa sapaly kómek kórsetýdi qamtamasyz etip júrgen medıtsınalyq qyzmetkerlerden quralǵan mobıldik brıgadalar quryldy, dep habarlaıdy QazAqparat ShQO Densaýlyq saqtaý basqarmasynyń baspasóz qyzmetine silteme jasap.
Shyǵys Qazaqstan oblysyndaǵy Ana men bala ortalyǵy ambýlatorııalyq qyzmetiniń bastyǵy Gúlnár Kelgenbaeva emhanadaǵy mobıldi toptyń jumysy jaıly egjeı-tegjeıli baıandap berdi.
«Emhanamyzda kún saıyn 40 shaqyrtýǵa deıin baratyn 2 mobıldi brıgada jumys isteýde. Shaqyrýdan basqa, olar aýrýhanadan shyqqan patsıentterdiń úıine de barady. Bul brıgada jedel medıtsınalyq qyzmet jumysyn jeńildetip qana qoımaı, jumysty jumyldyrady. Mysaly, keıde mobıldik brıgada qyzmetkerleri qaraýdy qashyqtan júrgize alady», - dedi Gúlnár Kelgenbaeva.
Qazirgi kezde oblysta 373 mobıldik brıgada jumys isteýde. Olardy kólikpen qamtamasyz etý úshin aýdandyq jáne qalalyq ákimdikter ózderiniń qyzmettik avtomobılderin usyndy.
