Shyǵys Qazaqstanda 3425 júkti áıel Pfizer vaktsınasyn saldyrdy
ShQO Densaýlyq saqtaý basqarmasy baspasóz qyzmetiniń málimetine súıensek, óńirde COVID-19 ınfektsııasyna qarsy amerıkalyq Pfizer vaktsınasyn saldyrý naýqany jalǵasýda.
«Aımaq boıynsha atalǵan ekpeniń birinshi komponentin 104 383 adam saldyrdy. Onyń ishinde 12-18 jas aralyǵyndaǵy 92 464 bala bar. Olardy vaktsınalaý tek ata-anasynyń ruqsatymen júrgizilýde. Sondaı-aq 3425 júkti jáne 8494 bala emizetin áıel ekpe alǵan», - delingen aqparatta.
Budan bólek, oblysta 60 jastan asqan qarttar men medıtsına qyzmetkerleri Pfizer ekpesimen revaktsınatsııadan ótýde. Qazir osy sanattaǵy 13 myńǵa jýyq adam úshinshi ret vaktsına alyp otyr.
Esterińizge sala ketsek, osyǵan deıin ShQO-daǵy statsıonarlarda 300-den astam naýqastyń koronavırýstan emdelip jatqany habarlanǵan.
