Shyǵys Qazaqstanda 338 dáriger jetispeıdi
ÓSKEMEN. QazAqparat –Shyǵys Qazaqstan oblysynda medıtsınalyq mamandardyń tapshylyǵy sezilýde, dep habarlaıdy QazAqparat tilshisi.
Búgingi tańda óńirdegi qalalar men aýdandarda 338 dáriger jetispeıdi. Aq halattylardy aýdandyq aýrýhanalarda jumys isteýge yntalandyrý úshin aımaq basshysy Danıal Ahmetov qazirdiń ózinde dárigerlerge qansha úı bólýge bolatynyn jáne qansha salý kerektigin taldaýǵa tapsyrma berdi.
«Birinshi sáýirge deıin qalalar men aýdandardyń ákimderi, sondaı-aq Densaýlyq saqtaý basqarmasy egjeı-tegjeıli taldaý nátıjesin usynýy tıis. Bul máseleni sheshý kerek. Oblysta turǵyn úıler salynyp jatyr. Onyń ishinde bıyl, ásirese aýdandarda baspana qurylysy jaqsy qarqynmen jalǵasýda», - dedi ol oblys ákimdiginiń otyrysynda.
Aıta keteıik, búgingi tańda óńirde densaýlyq saqtaý salasyndaǵy mamandardy tartý úshin barlyq jaǵdaı jasalýda. Jyl saıyn dárigerler shetelge jiberilip, biliktilikterin arttyryp jatyr.
