Shyǵys Qazaqstanda 30 myńǵa jýyq kóshet otyrǵyzyldy
ÓSKEMEN. QazAqparat – Shyǵys Qazaqstan oblysynda bıyl 30 myńǵa jýyq kóshet otyrǵyzylǵan, dep habarlaıdy QazAqparat tilshisi.
Óńirdiń ekologııalyq jaǵdaıyn jaqsartý maqsatynda jol kartasy ázirlenip, bekitilgen bolatyn.
Jol kartasynda oblysty gazdandyrý, kásiporyndardy tehnıkalyq qaıta jaraqtandyrý, jolaýshylar kóligin jańartý, qaldyqtardy suryptaý jáne qaıtalama paıdalaný júıesin engizý, jasyl jelek alańyn ulǵaıtý sharalary qamtylǵan.
ShQO tabıǵı resýrstar jáne tabıǵat paıdalanýdy retteý basqarmasynyń basshysy Murat Qusaıynovtyń aıtýynsha, aýadaǵy zııandy shyǵaryndynyń jalpy kólemin kem degende 7 paıyzǵa tómendetý josparlanǵan.
«Bıyl aımaq boıynsha 30 myńǵa jýyq kóshet otyrǵyzyldy. Atap aıtqanda, shyrsha, qaraǵaı, qaıyń, qaraǵaı jáne sheten kóshetteri. Onyń 13 myńnan astamy Óskemen qalasynda. Bul kórsetkish ótken jylmen salystyrǵanda aıtarlyqtaı tómen. Buǵan koronavırýs pandemııasy áser etti», - deıdi ol.
