Shyǵys Qazaqstanda 30 qoǵamdyq qutqarýshy daıarlyqtan ótti

ÓSKEMEN. QazAqparat – Shyǵys Qazaqstan oblysynda jaǵajaılarǵa kezekshilikke shyǵatyn 30 qoǵamdyq qutqarýshy daıarlyqtan ótti, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, jedel qutqarý jasaǵynyń qyzmetkerleri qoǵamdyq qutqarýshylardy oqytýdy bastady. Oqytý baǵdarlamasy aıasynda olarǵa sýǵa batqan adamǵa alǵashqy kómek kórsetý qaǵıdalary, qutqarý quraldaryn paıdalaný jáne qaıyqpen jaǵalaýǵa baqylaý júrgizý tehnıkalary úıretilýde.

«Qoǵamdyq qutqarýshylardy daıyndaýǵa «Qyzyl Aı» qoǵamy ShQ fılıalynyń mamandary da belsene qatysýda. Búgingi tańda 30 qutqarýshy oqytyldy. Áli de osynsha adamdy daıarlyqtan ótkizý josparlanyp otyr. Oqý aıaqtalǵanda olarǵa arnaıy kýálik tapsyrylady», - delingen aqparatta.

Qutqarýshylar balalar qaýipsizdigi máselesine de basa mán berýde. Oqýshylarǵa jan-jaqty túsindirý jumystary júrgizilýde. Jalpy óńirde 394 bala departament bólimshelerine kelip, qaýipsizdik negizderi boıynsha sabaq aldy.

Esterińizge sala ketsek, osyǵan deıin Alakóldiń túbin tazartý kezinde bir kúnde 90 keli temir shyqqanyn habarlaǵan edik.