Shyǵys Qazaqstanda 30-ǵa jýyq jolaýshy mingen avtobýs jolda qalǵan
ÓSKEMEN. QazAqparat – Shyǵys Qazaqstan oblysy Úrjar aýdanynda polıtsııa qyzmetkerleri jolda qalǵan avtobýstyń 30-ǵa jýyq jolaýshysyna kómekke keldi, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, «102» jedel arnasyna «Almaty-Óskemen» tasjolynda avtobýstyń qozǵaltqyshy isten shyqqany týraly habar tústi.
Onda júrgizýshi men onyń kómekshisinen basqa 27 jolaýshy bolǵan.
Dalada kún sýyq, jańbyr jaýyp turǵan. Jylý júıesi óship qalǵandyqtan, avtobýs salony lezde sýyp ketti.
«Olarǵa kómekke tártip saqshylary Nurjan Myrzabaev, Erik Tursynov jáne Qaısar Kabırov keldi. Avtobýs jolaýshylary Qarakól aýylynyń mańynda jol jóndeıtin «Astana Avto Stroı» JShS jataqhanasyna jetkizilip, ornalastyryldy», - delingen aqparatta.
Polıtsııa qyzmetkerleri synǵan avtobýsty TQKS-ke súırep aparyp, jóndeýge qajetti bólshekterdi jetkizip berdi.
Óz kezeginde avtobýs júrgizýshisi men onyń kómekshisi polıtseılerge kórsetken kómegi úshin alǵys aıtty.
