Shyǵys Qazaqstanda 30 avtokólik qar qursaýynda qaldy
ÓSKEMEN. QazAqparat - Shyǵys Qazaqstan qutqarýshylary Jarma aýdanyndaǵy «Qalbataý-Óskemen» tas jolynan adamdardy qutqarýda, dep habarlaıdy «QazAqparat» HAA tilshisi ShQO TJD silteme jasap.
Aldyn ala boljam boıynsha, qar qursaýynda 30 avtokólik tur.
Keshegi keshki ýaqyttan beri burqasyn men kórinistiń nasharlaýynan «Shar-Baqyrshyq» aýmaǵyndaǵy jol jabyq tur. Túnde joldyń osy aýmaǵyna kelgen jolaýshylar qutqarýshylar kómegine júgindi. Shar aýdanynan órt sóndirýshiler jáne Óskemennen Shyǵys aımaqtyq aeromobıldi jedel qutqarý jasaǵy jolǵa shyqty. Kúshti jel men kórinistiń nasharlaýynan qozǵalys qıyndaı tústi.
Sonymen birge, tańǵa jýyq «Órt sóndirý jáne apatty qutqarý jumystary qyzmetiniń» órt sóndirýshileri ótimdiligi joǵary tehnıka arqyly «Abaı-Semeı» tas jolynan 15 adamdy qutqardy. 8 jeńil mashına tolassyz jaýǵan qarǵa tótep bere almady.
Túnde Tarbaǵataı aýdanynda órt sóndirýshiler eki azamatqa kómekke keldi. Olar «Qaraǵandy-Boǵas» jolynda kólikteri isten shyqqan jolaýshylardy Aqsýat aýylyna deıin jetkizip saldy.
Búgin tańǵy 9-da eki baǵyt joldary sol kúıi jabyq tur, olar: «Shar-Baqyrshyq» jáne «Voskresenovka-Petropavlovka-Shelehova-Belaǵash-Dmıtrıevka».
