Shyǵys Qazaqstanda 3 myńnan astam plazma dozasy daıyndalǵan
ÓSKEMEN. QazAqparat – Shyǵys Qazaqstan oblysynda COVID-19 ınfektsııasyn juqtyrǵan naýqastardy emdeý úshin quıylatyn ımmýndyq plazmanyń 3 099 dozasy daıyndalǵan, dep habarlaıdy QazAqparat tilshisi.
Bul jaıly ShQO óńirlik kommýnıkatsııalar qyzmetinde onlaın formatta ótken baspasóz konferentsııasy barysynda oblystyq Densaýlyq saqtaý basqarmasynyń ókili Asqar Horoshash málimdedi. Onyń aıtýysha, ınfektsııalyq statsıonarlardaǵy dárigerler arasynda ımmýndyq plazmany qoldaný boıynsha semınarlar ótkizilgen. Búginde 150 patsıentke 309 doza plazma quıyldy.
Jyl sońyna deıin ımmýndyq plazmany durys saqtaý maqsatynda Óskemen men Semeı qalalaryndaǵy eki qan ortalyǵyna 10 muzdatqysh kamerasyn satyp alý josparlanyp otyr. Oblystyq aýrýhanalarǵa qosymsha 15 arnaıy muzdatqysh jáne 19 plazmalyq muzdatqysh jetkizilmek», - dedi Asqar Horoshash.
Aıta keteıik, Shyǵys Qazaqstan oblysynyń ınfektsııalyq aýrýhanalarynda 346 ókpeni jasandy jeldetý apparaty jáne 67 rentgen apparaty bar.
